اسكريبت بقلم نيرة السيد
انتي حاطه روچ ولا انا بيتهيالي والشمس أثرت ع دماغي
ابتسمت لا ي حبيبي سلامة دماغك انت زي الفل انا فعلا حاطه روچ
كشر نسيتي ونزلتي بيه صح
لا الصراحه انا قاصده دا نفس لون الفستان و..
هو عنيه هتحرقني ولا اي استهدى بالله بس
بيبصلي وبيجز علي أسنانه هو انا مش قولت مينفعش تخرجي بالميكب قبل كدا
بلعت ريقي بتوتر حصل
وقولتلك لو حطيتي وخرجتي بيه رد فعلي هيزعلك ولا هيهمني ضوابط خطوبه ولا نيله
ابتسمت وانا بتخيل رد فعله زي الروايات بس ملحقتش لانه طلع منديل وتقريبا محر وشي كله وخفى اي معالم مني
بصتله وانا بعيط طب والله ما ناخارجه معاك عشان تبطل الهمجية دي ومش اول مره يزعقلي ولا اول مره يتخانق معايا بسبب اللبس أو الميكب
طلعت شقتنا وانا ببرطم وبعيط قابلت بابا وبصلي بقلق أما شاف دموعي ف طبطب عليا
ايه اللي حصل ي منه ومن غير عياط
انا لازم افشكل الخطوبه دي مش هكمل
احكيلي بس
حكيت لبابا اللي حصل وانا بعيط
عايزه الحق ولا ابن عمه
بصيت بعيد ايا كان تصرفي ميدلوش الحق للعصبيه بتاعته ولا يسمحلي الروچ غصب عني
دخلت اوضتي وقفلتها زي ماقفلت قلبي تجاه أي رأي منه مسمعتش غير نفسي وان مفيش اي حق يخليه يتصرف معايا كدا
فات يومين وهو متصلش ولا انا
واخرتها ي منه اكيد مش هتفضلي متضايقه كدا انتي عايزه ايه وانا اعملهولك
مش عايزه اكمل مع أكرم
والله دي حياتك وبراحتك بس بلاش تخسري راجل زي اكرم ف زمن زي دا
بصتله بعندانا يتمشيلي بلاد ويتوقف ليا ساعات مش سي اكرم اللي بيزعقلي اكتر ما بيتنفس
تمام انا هتصل بيه يجي أما تتفقوا علي حل. او تنفصلوا بهدوء
قومت اخدت شاور ولبست دريس نبيتي علي قد جسمي بالظبط وكان دايما منبه عليا ملبسوش وطرحه بيضا وحطيت ميكب وقصدت اني اخلع الدبله من ايدي وحطيتها ع الكومود حاولت اضحك وأبين اني كدا احسن وقويه مش فارق معايا اي شئ وخرجت اول ما اكرم وصل قعدت ومسكت فوني بمنتهي الامبالاه
دبلتك فين يا منه
اما نتفق الاول وبعدها أقرر هلبسها اولا
اتنهد بضيق انتي عايزه ايه او اي يرضيكي
قولت الكلام بسرعه وبدون فاصل متعلقش علي لبسي ولا الميكب بتاعي انت خاطبني وانا كدا متحاولش تغيرني لاني مش هقتنع ولا هقبل ب دا
خلصت وبصتله كانت ملامحه جامده
يعني عيزاني مبقاش راجل صح
حرك رأسه بأسف وومن غير اي تردد خلع دبلته وحطها ع التربيزه وقام
وسابني ومشي حسيت المكان بيضيق عليا ومش عارفه اخد نفسي خرجت البلكونه عشان اتنفس أو عشان اشوف اكرم يمكن لاخر مره بس دموعي نزلت أما لقيته ملتفتش ولا مره
سبتني ف حيرة الليالي سبتني وما دريت بحالي ..
عدا حوالي 4 شهر وانا بتجاهل اي احاسيس جوايا أو مشاعر حتي لو بضعف اوقات واعيط بس مباخدش اي خطوه تجاه اكرم جزء بيكابر وجزء بيعيط واهي ماشيه ركزت ف مذاكرتي وحاولت اشغل كل وقت ف يومي بس برضه بفتكر مواقف لاكرم وابتسم تلقائي حتى احلامي مستحوذ علي جزء كبير منها اعتراف اعترفته لنفسي بس مقدرتش اقوله لحد وف يوم قررت اخرج مع صحابي بليل استأذنت بابا مع تأكيد ليه اني مش هتاخر لبست فستان صك اسود وفيه نجوم سيلڤر وطرحه سودا صغيره متعدتش رقبتي وطبعا ميكب كعادتي
روحنا كافيه جميل علي النيل
اتبسطت وشوفت اعجاب ف عيون ناس كتير بس شوفت نظرة اسف وزعل من اكرم كانت كفيله توترني وأيدي ترتعش اخدت شنطتي ودخلت التويليت وانا بتنفس بسرعه وإحساس بالخوف مبهم جوايا لعنت الميكب لأن لولاه كنت غسلت وشي يمكن كنت هديت شويه غسلت ايدي وانا بطمن نفسي أن كل حاجه كويسه
خرجت ملقتش صحابي مسكت الفون اتصل بيهم بس قبل ما اتصل واحد جه قصادي
صحابك فوق منتظرينك
بصيتله باستغراب هو حضرتك تعرفني !
ابتسم ببساطه لا هما بلغوني اقولك أنهم فوق تقريبا عاملين ليكي مفاجأه
ابتسمت وطلعت للدور اللي فوق يدوب سلمتين ومحستش غير بمنديل علي وشي وبعدها غبت عن الوعي
بعد مده
حاولت افتح عيني بس الرؤيه كانت مشوشه بس اتفاجئت ب اكرم ادامي حسيت أنه حلم ف ابتسمت وانا بغمض عيني من تاني
بصلي بسخريه ي عيني ملاك نايم ف وسط الز..باله
فتحت عيني وأدركت أنه مش حلم وببص حواليا للمكان المقزز و الضلمه
واكرم وشه متبهدل وكدمه زرقا ف خده
انا اي اللي جنبي هنا
رد بغيظأمي
انا كنت طالعه لصحابي و.
طبعا وهما هيلاقوا حد أعبط منك يضحكوا عليه ويخطفوه
هو انا اتخطفت !
ضحكتخيلي واناجيت انقذك والحمدلله اتكتفنا احنا الاتنين
بما اننا اتخطفنا وهنموت بسببك وكدا مش عايز تقول حاجه
انا عروسة مولد ي اكرم !
اهي سابت المشكله ومسكت ف التفاهات
بجد وحش الفستان
بص بعيد جدا مش حابب حتي ابصلك
قررت اعانده لعلمك بقا مليون واحد ف الكافيه كانوا بيبصولي
دا شئ مخزى ليكي للاسف مش ف صالحك خالص
سكت
اتنهد بضيق بطلي عياط من يوم ما عرفتك وانتي كل مشكله تعيطي ع أساس تصعبي علي اللي عملك المشكله ! انتي اصلا سبب المشاكل
عياطي زاد ومردتش عليه
ابتسم وبصلي إن شاء الله لو طلعنا من المكان دا هنفخك ع دموعك اللي ملهاش
صحاب دي
يعني ممكن منطلعش من هنا
كله بايد ربنا
اكرم
رفع عينه وبصلي
بماننا ممكن منطلعش ومش هشوف تاني ف انا يعني كنت عاوزه اعترفلك بحاجه
اتفضلي
طلعت مني تلقائيه وشتمت نفسي عليها مليون مره
ضحك ي غبيه هانم اللي بيحب مبيعاندش كدا يخربيت كدا حتي غبيه ف مشاعرك
بصتله بمكر ثم انك عرفت أن زودت ميكب اذاي
بصلي ومردش عرفت أنه كان بيراقبني ومنسنيش ضحكت ومبصتلوش تاني فضلت استغفر علي امل نخرج من المكان دا
الدنيا دي ممكن تنتهي ف لحظه من غير اي مقدمات انت اللي بتختار عاوز تنهي حياتك علي ايه!
ربنا كرمنا والبوليس انقذنا وخرجنا لقيت بابا وصحباتي بيعيطوا لأنهم مشيوا وفكروني هحصلهم
حضنت بابا وانا اخيرا رجعلي احساس الامان
حمدالله علي سلامتها ي عمي محمد
الله يسلمك ي اكرم ومتشكر انك حاولت تحمي منه
مفيش شكر بنا ي عمي انا.. انا عاوز اتجوز منه
ابتسم وبصلي بس ي بني انتو سبق واتخطبتوا ومتفقتوش
لا مهو مفيش خطوبه ولا حاجه احنا هنكتب الكتاب علطول
بصتله بزهول لا انا ..
وهقوله انك كنتي عوزاني استغفر الله العظيم
حطيت ايدي ع بوقيي نهار لا محصلش
ها ي منون ايه رايك
مم موافقه ي بابا
غمزليشطوره ي قلبي حاليا مفيش دبله تخلعيها ولا ملكش دعوه اللي فلقتيني بيها
ابتسمت من غير تهديد والله انا اصلا مش هعرف اكمل غير بيك
موعوده بيك تبقي انت بختى وقسمتى وموعوده بيگ من قبل ما تقابل معاگ
بتشرب سجاير
لأ
ولا حتى ..
ضحك وقال
بردو لأ
بتحب المرأة العاملة ولا ست البيت.
بحب محشي ورق العنب اكتر.
افهم من كلامك انك بتحب ست البيت.
شوفي انت بتحبي اي وانا معاك فيه.
هو الفجر بيأذن على كام عشان عايزة اظبط المنبه.
ريحي نفسك مش هتلاقي
مش هلاقي اي
سبب ترفضيني عشانه.
حاولت ابان عادي مش مستغربة ورديت ببرود
وانا اي يغصبني اقعد معاك من البداية مارفضك وخلاص وبردو من غير اسباب.
مش عارف يمكن طمعانة في حتة الجاتوه.
اسمع يا...
يوسف عندي 26 سنة خريج آداب انجليزي بس مش بشتغل بشهادتي وعندي تلت مطاعم بديرهم بنفسي و..
مش مهم.
وليه قلة الذوق.
انا قليلة
بس زي القمر.
انا ماسمحلكش تتكلم معايا بالطريقة دي.
تسمحي ولا ماتسمحيش انا قاعدلك.
هو بالعافية.
بالحب.
حب اي اللي جاي تتكلم عليه.
انا كمان بحبها زيك
هي مين دي.
ام كلثوم اطمني انا مذاكر كويس.
انت داخل امتحان.
لأ داخل حياتك
وانا ايه يخليني اوافق انك تكون جزء منها.
فرصة.. مش طالب غير فرصة تعرفيني فيها من قريب زي ما انا عارفك وعارف تفاصيلك.
وانت تعرف عني اي.
اعرف كتير اعرف مثلا انك بتحبي الورد المجفف عن الطبيعي ولونك المفضل البينك عشان بيخلي بشرتك افتح وبتكرهي القهوة والشاي ومابتقبليش حد يغلط في عصير القصب اخر يوم في امتحاناتك احسن عندك من يوم فرحك.
معلومات عادية ممكن اي حد يجيبها من على الفيس او تويتر.
بس ماحدش غيري يعرف انك بتظبطي المنهبة عشر مرات رغم انك بتصحي من اول رنة بس مش بتتحركي من على السرير غير بعد الرنة العاشرة
اعرف كمان ان اختيارك للمعلقة اللي هتاكلي بيها اهم عندك من الاكل اللي هتاكليه
وانك عمرك ما استخدمتي القصافة عشان تقصي ضوافرك لانك دايما بتقرقضيهم ومع ذلك بتجيبلهم سيرم للتطويل وعندك عين رموشها اطول من رموش العين التانية ودي حاجة مضايقاك
ومابتحبيش حد يقولك براحتك وانت متعصبة لانك بتسمعيها شتيمة وتتعصبي زيادة واخر الليل عقلك بيطرح عليك أسئلة العلم عجز عن اجابتها زي البيضة الاول ولا الكتكوت
و بترفضي العرسان عشان ماحدش فيهم عرف يفهمك ويطمن الهواجس اللي بتدور في دماغك من ناحية الجواز واعرف كمان ان لما بتتوتري بتلفي نهاية الطرحة على صباعك فعتقادك إنك كده هتهدي زي ما بتعملي دلوقت.
كنت بسمع وانا كل ذرة جوايا مذهولة ومستغربة
من كلامه ده كأني كتاب مفتوح قدامه
وهو خلص كل ورقه قراية ولخصه في الكام سطر دولحسيت بلخبطة وتوهة
مش عارفة افرح عشان في حد
حافظني بالشكل ده ولا كالعادة اخاف يكون فخ
و اقع فيه والنهاية مش هتكون
مرضية بالنسبة لي
بس كان لازم اسأل...
انت عرفت الحاجات دي منين!.
مش قلتلك مذاكر كويس.
رد والابتسامة مش مافارقة وشه
وشه وملامحه الهادية اللي لما ركزت فيهم
حسيت ب... مش عارفة حسيت بأيه
بس كل اللي اعرفه اني حابة اكمل القعدة دي ماعرفش ده سحر ولا غباوة مؤقتة..بس كان عندي احساس إني مش عايزة اللحظة دي تخلص.
انت اكيد مخاوي او راكبك جن.
انا شاري.
شاري
انا مش بس شاريانا كمان غاوي.
اكيد غاوي تعب لانك لو فاكر بعد كل الكلام ده هتبهرني وتخليني اوافق عليك يبقا ضيعت وقتك.
كذب...دي الكلمة اللي سمعتها جوايا بعد ما قلت الجملة
وبتقول في وشي
انت وقعت
حتى هو عارف اني بكذب اصل
دي مش نظرة حد مصدق
دي نظرة...نظرة حد...بيحب.
وانا مش عايز ابهرك انا
