اسكريبت بقلم فرح حماده
المحتويات
الباب اتقفل يا سفيان
المفتاح كان معاك
دورت على المفتاح وملقتهوش فبصتله ففهم إني سبت المفتاح جوة أتكلم ببرود يبقى تكسريه
أكسره وأنت واقف بطولك كده مش عيب على شبنك ده مش عيب
كتم ضحكته واتكلم بعصبية مزيفة بت أسكتي خالص أنا ساكتلك بالعافية كفاية اللي أحنا فيه بسببك
بتلقائية إيه المشكلة يعني هي أول مرة أحطك في مصيبة
زعق أخرسي يا فيروز
اتخرست أهو أهو
تتشك في معاميك معموعة معموعة وتقرصك ناموسة في مناخيرك وتبقى أد الكوز
بتقولي حاجة
بقول ناقصني فلوس
بصلي بنرفزة وكمل محاولة في فتح الباب وفضل يزق فيه عشان يتكسر لكن مفيش فايدة حسيته تعب وفرهد أفتكرت إن معايا مية بفتح الشنطة وبطلع المية لقيت المفتاح معايا مسكته وهو لف
فير أنت معاك المفتاح وسيباني كل ده زعق أنا مش قولتلك
بس والله
بلا بس بلا مبسش هاتي المفتاح
شد المفتاح في صمت مني وصدمة قفل العيادة ونزل قعدت ثواني أستوعب وبعد كده خدت بعضي ومشيت
وصلت البيت ودخلت أوضتي بخنقة ودموعي فاضت بيا فتحت الفون لقيت مريم بتكلمني
عاملة إيه يا فيروز
الحمدلله
مش باين إنك كويسة احك
بتردد اتخانقت أنا وسفيان
يا فيروز قولتلك علاقتك بسفيان كصديق عمرها ما هتكون صح بان في عنيك حبك وكل المشاعر اللي جواك ليه بس هل أنت واثقة إنه بيحبك واثقة إنه هيكون ليك ولا ده مجرد استنزاف لمشاعرك مش أكتر لو فعلا بيحبك هيدخل البيت من بابه يا فيروز هيدخل البيت من بابه عشانك لسه عندك وقت تنقذي فيه قلبك وتجمعيه وتحفظيه للشخص اللي يستاهله واللي هيحافظ عليه عارفة إنه صعب تشيلي حبه من قلبك بس متأكدة إنك لو فكرتي شوية
قفلت الفون وغمضت عيني كلامها فضل في راسي كتير بفكر هقدر أنهي كل حاجة ولا هستسلم لعلاقة مش باين لها أي ملامح خايفة يروح مني وميبقاش ليا
قومت تاني يوم لبست وفطرت وقررت إني هعمل زي مريم ما قالتلي هحاول بس الخوف متجمع جوايا خدت شنطتي ونزلت
وصلت العيادة خدت نفس ودخلت كان قاعد مستني المرضى بصلي بلوم ونرفزة تجاهلته ومبصتلوش ومع أول حالة دخلت الأوضة بدأنا شغل الوقت كان ممل بنتجاهل بعض بيتعمد يضحك مع المرضى عشان يستفزني رغم إنه مش كده بدل ما كنت بساعده كصحاب في الشعل بقى كلامه أوامر وأنا أنفذ كدكتور أسنان وأنا الممرضة حسيت بدوار خفيف فانسحبت بهدوء وروحت جبت أكل وطلعت تاني بسرعة بدأت آكل
بزعيق ده مش وقت البريك عشان حضرتك تسيبي شغلك وتقعدي تأكلي
بصتله وأنا تاني مرة أتصدم
خلصت وطلعت خدت سندويتشاتي وشنطتي ومشيت هو شافني لكن مقلش أي كلمة زيادة
عدى يوم والتاني والحال متغيرش بس الفرق الوحيد إنه حس حس بالوضع اللي وصلناله حس بطريقته الصعبة معايا
هاتي قطن من عندك
روحت جبت مع استغرابي إن مفيش مرضى لسه يبقى ليه عايز القطن مديت إيدي بالقطن وكالعادة مبصتلوش لقيته مسك إيديا
بنرفزة سحبت إيدي بسرعة وزعقت أنت إزاي تعمل كده عيطت أنا بقيت بكرهك
معرفش مشيت إزاي كنت في حالة صعبة دموعي عمالة تنزل بغباء كان ورايا بيحاول يهديني
فيروز أنا آسف حقك عليا
والله لو مبعدتش عني هصوت وألم عليك الناس زعقت ملكش دعوة بيا
وقف مكانه في الشارع كنت مشيت وروحت
متابعة القراءة
