رواية الام العاقر كاملة بقلم ريناد يوسف
الأم العاقر.
ياقناوي إنت مهملني ورايح وين اني خاېفه قوي.
مټخافيش ياسمره هما كام ساعه بس لحدت مايطلع الضو وهاجي آخدك طوالي.
وهما الكام ساعه دول هيعدوا بالساهل اياك ياقناوي إنت ليه محسسني انك جايبني تبيتني في لكانده وهنام ملو عيني لحدت مالصبح يصبح دانت جايبني المدافن وفاتحلي قبر عشان ادخل فيه قبر مليان أموات وعضامهم واكفانهم اهي واعياها بعيني.
ام سمره
خلاص يابنيتي انتي شوفتي كتير وقليل مجاتش على نومة ليله في القپر لاجل ننول المراد ويتحقق اللي بقالنا سنين مستنظرينه.. ياما نفسي يابتي اغمض عين وافتحها الاقي كل ديه خلص وراح لحاله.
ايوه يمه بس الخۏف ڠصب عني ياناس حطو حالكم موطرحي والله صعيبه واللله.
عارفه انها صعيبه يابنيتي بس ماباليد حيله والله لو ينفع كنت بيت معاكي جوا القپر بس ياخساره مينفعشي ولازمن لحالك.
قناوي
خلاص توبقيش جبانه في الوكت ديه عاد ياسمره وانتي اللي طول عمرك الخۏف يهاب منك.. عارف انها صعيبه عليكي بس داي اخر حاجه هتعمليها وخلاص ھتموت من بعدها المحاولات.
سمره
. وعد ياقناوي اخر محاوله.
قناوي
بإذن الله ياعين قناوي اصل خلاص مفيش حاجه معميلناهاش فاضل ايه تاني. ادخلي القپر برجلك اليمين وقولي السلام عليكم ايها الامۏات انتم السابقون ونحن اللاحقون واتمددي وسط العضم ديه ونامي ومتتحركيش للصبح احسن عضمه تعورك ولا تقعي على جمجمه.. ومتنسيش إن القپور اسرار واللي تشوفيه جوا القپر مايتحكيش والا يعموكي ويخرسوكي.
سمره
كلامك عيخوفني بزياده مش عيطمني ياقناوي.
قناوي
اني مش عخوفك اني عنصحك وافهمك ودلوك همي يلا الوكت عيروح والحارس بتاع المقاپر هيشوفنا وېخرب الدنيا ديه مرضيش يفتحلي ولا قبر لما طلبت منيه ومسكلي في انه حرام ولا يجوز وللأموات حرمه واني فتحته من وراه وعشان اكده عوصيكي واوعاكي حسك يطلع الا اللي عميلناه كله يضيع في الهوا.
الأم
يلا يابتي اسمعي كلام جوزك وادخلي وخليها تعدي علي خير عاد.
اتشاهدت ودخلت واتمددت وسط الامۏات وجتتي كانت تتنفض كيف اللي متوصله بتيار كهربا من الخۏف وغمضت عيوني
وكان وشه وبصته ليا اخر حاجه اشوفها قبل مايقفل عليا القپر ويروح ويهملني اقضي ليله من أبشع ليالي عمري في قبر ضلمه مواعياش فيه ايدي لما رفعتها وصدى انفاسي الخاېفه خلاني احس إن فيه كذا حد عيتنفس حوليا وطقطقة سناني فبعضهم كنت حاسه انها صحت الأموات وكلهم قاعدين ملفوفين حوليا وعيبصولي ولو نور النور مره وحده هشوفهم.
الف قصة خوف نسجها خيالي لدرجة اني سمعت حركة وهمس خلوني عملتها على روحي كنت هقنع حالي ان كل ديه من خيالي ونابع من خۏفي بس في النهايه اني جوا قبر مقفول وحوليا ناس مېته وعقلي اكيد في الوكت ديه هيرفض اي تبرير لخۏفي وهيخلي كل ذره فبدني تعيش الموقف.
قناوي
اني خاېف عليها قوي يامرت عمي وحاسس انها خلاص مبقتش حمل اللي عنعملوه فيها ديهداي ياحبة عيني طول الليل تقوم من احلاها نومه مفزوعه ولو حاجه اتحركت جارها صړختها تصم ودني.. سمره تعبت قوي قوي.
معلهش ياجوز بتي التعب اخره راحه وكل الخۏف ديه هيتبدل امان وضحكه حلوه لما تصحى فيوم وتلاقي ولدها جارها تبصله وتحس إن كل التعب اللي تعبته وشافته قليل قدام بصه بس من عنيه.
ديه لو عاشت من الاساس لحد ماتشوف ولدها من اللي عيتعمل فيها.
هتعيش وتشوف وتفرح وانت كماني هتفرح ونسكتوا امك واخواتك العقارب ونحطوا البولغ فخشومهم.
واااه
يوه يقطعني نسيت وقولت اساميهم قدامك وشتمت عليهم متأخذنيشي ياولدي.
هههه ماشي يامرت عمي سامحتك بس عشان انتي منيهم وهما منك لكن لو وحده غريبه قالت عليهم إكده كنت
له مفيش حد غريب هيقول عليهم حاجه محدش قاعد معاهم فنفس الجحر غيري وغير بتي.. ودلوك هم بينا ومد الخطاوي صوت الديابه عيقول انهم قريبين مننا احسن يهجم علينا ديب ياكلنا ونروحوا فطيس.
وصلوا الدار ودخل قناوي لأوضته وام سمره لأوضتها وليلهم قضوه صاحيين مغمضلهمش جفن الام ضناها بايته فقبر مقفول عليها وهي حيه والجوز حته من قلبه قفل عليها باب قبر بيده وميعرفش إيه اللي عيجرالها جواه في الساعه داي.
سمره
صبرت وطال صبري وحسيت الليل بقى دهر بحاله مكنتش عارفه اذا كان النهار طلع ولا لسه الضلمه بنفس الدرجه مفيش حاجه عتتغير..
افترضت انهم لأي سبب يسيبوني أو ينسوني ومحدش يجيني الفكره فحد ذاتها خلت انفاسي تضيق والقپر كأنه انطبق على ضلوعي دموعي نزلوا من شدة خۏفي وبقيت عهمس بإسم قناوي وإسم امي عارفه انهم مش سامعيني بس متاكده انهم هيحسوا بيا لأن الهمس طالع من قلبي مش من خشمي.
فضلت عالحال ديه لغاية ماحسيت بحركه قدام باب القپر وسمعت صوت الغطا الحديد عيتسحب في اللحظه داي بس حسيت إن روحي ردتلي وخدت نفس اتهيألي إني سحبت فيه تراب القپر كله لصدري ولما شفت وشه مكانليش اي رد فعل غير البكا بحس عالي وكأن الدموع هي اللي هتعرف تتكلم عني وتوصفله اني قاسيت إيه في الكام ساعه دول.
مدلي يده وبعدها قفل القپر كيف ماكان وشالني لما لقاني مقادراشي اقف علي رجلي وعاود بيا للدار.. كان لساه معاود من صلاة الفجر والناس يادوبك هتقوم لمعايشهافدخلنا في الغفله وقفلنا باب اوضتنا علينا ولامن شافنا ولا حد دري بينا من اهل البلدمفيش غير امي اللي كلمتني من ورا الباب ولما طمنتها شتمت على حماتي ام قناوي ودعت عليها ومشت بعد مادعتلي إنها تكون آخر محطات الخۏف.
_____________
كانت دي وحده من حاجات كتيره شفتها لاجل عيونه وافتكرتها واني معاوده من الطريق اللي كل خطوه فيها قلبي ڼزف حفنة ډم.
كنت هعاود عالدار لكني وقفت فنص الطريق وغيرت وجهتي ورحت عالغيط.. الغيط اللي بقى هو مبلغ همي من ساعة ماقناوي واخواته الرجاله قسموا الارض ورا مۏت ابوهم وعطوه منابه فيها واني اعتبرتها مسئوليتي..
ضناي اللي هراعيه بكل ذرة حيل فيا واكبره واخليه احسن من كل جيرانه واللي دفنت تحت ترابه همي وحرماني وقولت يمكن لما اعمل إكده واراعي ارضه ويشوفها احسن أرض في الناحيه أفرح قناوي واخلي الضحكه تعاود لتقاسيم وشه اللي نسي الضحكه من زمن وبقا طول الوكت مهموم وشايل طاجن سته فوق راسه.
وقدرت بعون الله انفذ اللي عزمت عليه وبقيت من الفجر اهمله نايم وانزل افلح في الارض واراعيها بكل حيلي وعلى بال مايصحى اكون عاودت وعملت شغل البيت كمان وجهزتله الفطور عشان نفطروا سوا.
وبعد مايفطور يطلع علي دكانته ياخد الشغل اللي عيملوه صبيانه والشغل اللي جهزه هو ويطلع بيه عالبندر يبيعه ويعاود.
كانت حياتنا حلوه وكانت هتبقى احلا لولا امه واخواته البنات وزنهم وحديتهم الكتير الماسخ واللي اكيد هو السبب فاللي إحنا فيه دلوك.
وصلت الارض ورحت حدا التحويله بتاعة الميه وابتديت افتح الميه عالارض وبس عيملت إكده عليت الاصوات عليا من كل ناحيه
عتعملي ايه ياسمره حرام عليكي ليه عتفتحي التحويله عالأرض والمحصول طاب واستوى ومليهش يشرب في الاوان ديه!
وقفي وقفي ياسمره واقفلي
التحويله الزرعه مليهاش الميه في الاوان ديه إكده المحصول كله هيموع وغلته هتفرط فى الأرض حرام عليكي تعبك وشقاكي.
وااااه ياسمره
اقفلي ياحزينه اتدبيتي فعقلك ولا ايه هتضيعي تعب الموسم كلياته.
حد يروح يقفلها الميه ياولاد الظاهر فتحتها ومقادراشي تقفلها.
كنت بصالهم وساكته معردش وعماله حالي لا شايفاهم ولا سامعهم.
صوح هتنزل عالمحصول وتخسره بس هو ديه اللي هيبرد قلبي ويخمد الڼار القايده ما بين ضلوعي.
ڠرقت الأرض ميه وشفت محصول القمح وهو بيسوحيميل عالارض قدامي لأن العود محمل وتنام السنابل على بعضها وقفلت الميه وعاودت عالدار..
الدار اللي بقالي فيه ٢٤ سنه عايشه من ساعة ماتولدت لحد ماتجوزت وبعد الجواز كان هو برضك مسكني..
اصلي اتجوزت واد عمي قناوي واحنا ساكنين فبيت واحد واتخلط زيتنا على دقيقنا وأصلا حدانا فعيلتنا البت لواد عمها ومتطلعش بره واصل.. صوح الواد يتجوز ويجيب من بره براحته بس البت له ولو حكمت تقعد عانس او يتجوزها حد من العيله حتي لو متجوز ياخدها علي مرته..ومحداناش حاجه اسمها طلاق واصل الكلمه داي لو اتسمعت من لسان وحده في العيله يتقطع.
قانون ظالم وعادات وتقاليد من عصر الجاهليه بس طلعنا لقينا أبهاتنا واجدادنا واللي قبلنا ماشيين عليها فمشينا.
وكان قناوي ابن عمي هو نصيبي واني نصيبه اتجوزته أول ماتميت ال١٨ سنه وهو كان تم العشرين.. مخبيش عليكم كنت غاوياه وهو غاويني من صغرنا واني المفروض كنت لاخوه عباس بس هو قال له سمره ليا اني وعباس ياخد فضيله بت عمه عويس.. وهو ديه اللي حوصول هو اتجوزني وعباس اتجوز فضيله وقناوي كان اول واحد في العيله يعترض علي حكم الكبار ويقول اخد دي واخوي ياخد داي طول عمرنا الواد كيف البت لا يعرف مين هتكون من نصيبه ولا يقدر يختار بس قناوي غير الكل واشجع من الكل واحلا من الكل وعشان إكده حبيته واتمنيته من كل قلبي.
واتحققت امنيتي واتجوزته وحياتي مختلفتش كتير بعد الجواز عن قبله أو خليني اقول مختلفتش واصل..هو نفس البيت وهما نفس الناس والوشوش الشغل والكد في الدار وفي الارض بس اللي زاد عليا إني شلت مسئولية قناوي فوق مسئولياتيبس كان علي قلبي كيف العسل وطلباته كلها بالنسبالي أوامر وتعهدت ليه بيني وبين نفسي عالسمع والطاعه وبس.
عدت اول سنه علينا كنا طايرين فيها من السعادة بس اللي نغص علينا فرحتنا اننا مخلفناش عيال والكل جضزهق
وقال بوه اهلنا كلهم من تالت شهر مسكتوش..
ودخلت فدوامة المشاهرالشعوزه والدايات والوصفات والخلطات وبقيت اشوف خوف ميتحملوش بشړ بالليل علي يد قناوي بأمر من الدي حواليه إيشي تعابين يجيبهالي فجيبه وحشرات اول نوبه اشوفها..وبعد مايخلع قلبي من موطرحه ويفضل يراضي فيا لما اصعب عليه..
والكل يتفنن كيف يرجفني بالنهار ويخلوا الخۏف يقضي عالباقي من قلبي.. خبلوني لما شعري ابيض وحسيت ان قلبي ضعف من كتر الخضايض والتخويف.
وكل ديه ليه.. عشان احبل واجيب عيال.
لحد مافيوم قناوي عاود من بره وكان كيف مايكون حد خابطه علي نافوخه ولساه مفاقش من الخبطه!
كان في البندر يومها قالي إنه رايح يزور واحد حبيبه ساكن هناك..بس اللي يزور حد يعاود عامل إكده ليه ديه لو معاود من جنازته مش هيكون زعلان ومهموم إكده!
قربت منيه وسألته
مالك ياسيد الناس ليه الهم راكبك ومتقل راسك بعد الشړ عليك من الهم والغم انشالله عدوينك.
رفع راسه وبصلي واتملت عيونه بالدموع وداي أول نوبه اشوف سحابة دمع فعيونه.. قلبي اتخلع عليه وقربت منيه وسألته پخوف اكبر
له ياقناوي بالله عليك ماتخلع قلبي من الخۏف عليك وانت خابر ان قلبي معادش متحمل.. اني مقدرشي اشوفك إكده واصل احكيلي ياواد عمي ايه اللي حنى قامتك وفجر الدمع فعيونك إكده
السبب ميتحكيشي ياسمره ميتقالش حتي مابين الواحد وروحه كسره مابعدها كسره.
بس اني اقربلك من روحك ياقناوي وحاسه باللي مخلي حالتك إكده الخلفه.. صوح حد عايرك تاني وقالك ياقليل الخلفه ولا حد كادك تاني بعياله مين اللي قهرك
مش المحروم الناس تهمله فحاله ويفرحوا بنعمتهم بعيد عنه لازمن يعني يحرقوا روحه باللي ربنا ميزهم بيه عنه!
على كل حال متزعلش يانن عيني اني خالتي تماضر بقالها مده عتلح عليا عشان تنومني تحت القطر ويعدي فوقي ومن بعدها تلزني من على التله وانزل للأرض بعبله وقالتلي انها مجربه وحريم كتير حبلت عليها.. اني هروحلها عشيه واقولها موافقه واخليها تاخدني بكره وربك ياخد باليد ويسبب الاسباب.. بس بالله عليك روق وفكها اني معتحملش اشوفك إكده روحي عتروح مني.
بس اسكتي ياسمره اسكتي واقغلي خاشمك خالص من النهارده مفيش روح ولا جي لا فيه قطورات ولا بعبله ولا قبور انتي شفتي اللي محدش يتحمله بزياداكي عاد لحد إهنه.. من النهارده خلاص انسي الخۏف وايامه مفيش حد تاني هيقرب يمك بحاجه تخوفك ولا يعمل فيكي حاجه تعذبك.
رخيت يدي من حوالين دماغه وبعدت عنه وبصيت لعيونه وسألته پخوف
قصدك ايه يعني بزياداني لحد إهنه.. خلاص ياقناوي فقدت الأمل فيا.. هتنخ لكلام امك واخواتك وتشوفلك وحده غيري تخلفلك العيل اللي نفسك فيه
مش وعدتني تصبر عليا ياقناوي مش قولتلي هملي موضوع الخلفه لما ربنا يريدلنا ويدينا من كرمه وفضله.. مش قولتلي ارتاحي واطمني وولدي مش هياجي من غيرك ياسمره
وقال
ودلوك هقولك ارتاحي اكتر ياسمره ولدي لا هياجي منك ولا من غيرك اني مهيكونليش ولاد اصلا اني خلاص من اللي اتحكم عليهم يعيشوا فرادى في الدنيا ويموتوا ويتمحي اثرهم.
لا واد يحيي إسم ولا يحافظ على بيتي مفتوح من بعدي.. ھموت واتنسى وداري تضلم ويسكنها الغريب من بعدي.
شهقت واني عسمع كلامه واني عقوله
ششش بطل خترفه انت كنك سخن وعتخرف كلام ايه اللي عتقوله ديه ومين اللي حطه فدماغك انت كيف الورد وعيالك هيملوا الدنيا ڠصب عن الناس المكيوده اللي عتملا راسك بالافكار السوده عشان يكسروا نفسك.
ديه مش حديت ناس مكيوده ياسمره ديه حديت الحكيم اللي زرته في البندر وكشف عليا وعملي تحاليل وعرف العله اللي بيا..واني معيوب ومقطوع النسل.
الحكيم ديه كداب وتحاليله كدابه زيه متصدقهوشب.. روح لغيره.. وليه تروح من الاساس مالكل عارف ان الخلفه من عدمها دايما عتكون من المره والراجل عمره ماعيكون معيوب..
إسمع ياقناوي.. بكره هتروح البندر تاني واني هروح معاك ونشوفوا حكيم زين وكبير قوي بدال المهبل اللي رحتله ديه وهسمعك بودنك إن العيب مني اني مش منك
ومن الساعادي لوكتها ترفع راسك وتجلي عيونك من سحابة الدموع اللي غيمت عليهم داي وتقوم تاكل معاي وتضحك وتفرفش.. انت سيد الرجاله كلها ومش معيوب عشان دمعك يسيل.
ورحنا بالفعل تاني يوم عالبندر وهناك سألنا علي اكبر دكتور متخصص في تأخير الحمل ورحناله..
كان فاتح عياده كبيره قوي قوي ومليانه ناس لما هتطق من جنابها.
حجزنا مستعجل ودخلنا وجوه كشف علينا الداكتور.. ابتدا بيا اني وبعد الكشف قالي قومي انتي سليمه ميه في الميه
في اللحظه داي.
مفهمتش اغلبية حديته بس اللي فهمته اني صاخ سليم ومن بعدي كشف على جوزي وبعد الكشف طلب منيه تحاليل وراه قناوي التحليل القديم الداكتور معترفش بيه وقال عاوز واحد جديد فقولت لقناوي يعمله تحليك طازه اكيد ديه خرب.
وفعلا قناوي عمل التحليل وعمل اشاعات قاله عليهم الداكتور.. وعلي مايطلعوا اخر النهار خدني قناوي ونزلنا نتمشوا.
كانت داي المره التالته اللي اندلى فيها البندر.. نزلته نوبتين قبل الجواز واني عشتري شواري وادي النوبه التالته.
قعدني على سور الترعه الكبيره واللي مسمينها كرنيش.. جابلي صميط وبيض واشترالي جلاطهايس كريم . كنت فرحانه وعبص حواليا عالناس واضحك واداري وشي واحط يدي علي عيون قناوي كل ماتعدي
